Book Your Stay
Book Your Flight
Nëse skulpturës do t’i jepnim një përkufizim, mund ta quanim artin e inteligjencës, siç e përshkruan edhe Pablo Picaso. Edhe në Shqipëri ky lloj zhanri sigurisht ka kaluar fazat e veta të zhvillimit të inteligjencës, me emrat të njohur të cilët kanë lënë gjurmë në historinë e artit Shqiptar.
Arben Bajo si një ndër zërat e rëndësishëm të skulpturës, e nisi rrugëtimin e tij në fund të viteve ’80 dhe skulptura e tij guxoi të ishte ndryshe në ato kohë. Në shumëdimensionet e tij, karriera e një skulptori ngrihet në kohë, në tema të përzgjedhura në përditshmëri, si edhe në shtigje që të hapin rrugën e ndjesive të reja.
Pikërisht përvoja e gjatë artistike e Bajos, e cila ndërthuret bukur me gjuhën e artit dhe të jetës, bëri që t’ia besonin atij realizimin e skulpturës së mitit të muzikës shqiptare Vaçe Zela. Me mjeshtëri ai ka arritur të gdhend në përjetësi këtë figurë të dashur të popullit shqiptar. Ashtu siç e shpjegon vetë Bajo e gjitha kjo u realizua falë Luan Manahasës, i cili donte që Vaçja të ishte në vendlindje. I frymëzuar nga kënga “Moj e bukura Arbëri” dhe nga kujtime personale familjare më Vaçe Zelën, Bajo e sjell atë të ulur me kitare në duar, e më një vështrim të paqtë sikur do të flasë.
Arben Bajo është autor i një sërë skulpturash të personaliteteve nga fusha të ndryshme, të vendosura në hapësira publike si: At Zef Pllumi në Shëngjin, Asim Zeneli në Gjirokastër, Lef Noci në Elbasan, etj. Për të, e rëndësishme është procesi para realizimit të skulpturës, sa më shumë informacione dhe materiale të kesh për personazhin aq më e arrirë del vepra.
Gjatë gjithë krijmtarisë së tij Arben Bajo njihet si skulptor figurtiv, por me një këndvështrim bashkëkohor. Ai numëron nëntë ekspozita personale e të pafundme kolektive dhe ajo që vërehet mësë shumti në veprat e tij janë mesazhet që përcjell për humanizmin.
Në studion e tij i rrethuar nga portretet e shumta, nudot femërore, si edhe nga personazhet mitologjik, nuk e ke të vështirë të kuptosh që gjinitë e tij të preferuar janë pikërisht ato. Me skulptura të gjalla plot jetë ato duket sikur duan të të flasin.
Në raftet e studios gjen portretet e shumë personazheve të njohur si Gazmend Leka, Dhimitër Anagnosti, Timo Flloko, Muharrem Fejzo, Orion Shima etj.
Momentalisht Arbeni po merret me punimet e fundit të ekspozitës së rradhës. Ashtu siç shprehet ai, ende nuk ka një titull sesi do të quhet ekspozita, por e gjitha rrotullohet në rrugëtimin e njeriut dhe në qëndër të saj janë personazhet mitologjik.
Stina e dimrit dhe magjia e saj shijohen më mirë në Korçë, jo vetëm në sokaket e qytetit, por në...
Read More
Fshati Lin, buzë Liqenit të Ohrit përveç se ofron një bukuri të rrallë dhe peizazh mahnitës është tërheqëse edhe për...
Read More
Vështirë se gjen një fshat si Vithkuqi të pasur me natyrë, traditë, kulturë dhe resurse turistike. Për bukuritë dhe historinë...
Read More