Vitet e fundit Shqipëria ka hyrë në listën e vendeve të preferuara të turistëve anglezë. Kjo vërehet edhe nga fakti që shumë portale e bloge të njohura turistike ftojnë të vizitojnë Shqiperinë për shumë motive.

Daniel Ross, anglezi që menaxhon blogun “The Points Guy” tregon eksperiencën e veçantë të pushimeve në Shqipëri. Ai rendit 5 arsyet pse duhet të vizitohet Shqipëria në 2020-ën. Mes plazheve të bukura, motit perfekt, çmimeve të lira dhe shijeve unike në ushqime, Shqipëria vijon të mbetet një vend që ja vlen të eksplorohet.

Riviera shqiptare është gjithmonë më intriguesja dhe portali anglez përzgjedh Ksamilin si më mahnitësin. “Me ujin e pastër si kristal, shumë mirë plazhet e tij mund të krahasohet me Karaibet”. Përveç natyrës me peizazhet mbreslënëse Daniel pëlqen të nënvizojë faktin që Shqipëria është vendi tipik ku ju mund të konsumoni ushqimin e freskët dhe të lirë. Në këtë guidë ju mund të gjeni nga restorantet me gatimet më tradicionale si fërgesën, tek lokalet e thjeshta që shërbejnë kërnackat shqiptare. Jo vetëm aq, por edhe baret e natës, ku mund të konsumoni ndonjë gotë alkool me çmim të lirë.

Në fund Daniel shprehet se “Nuk kam çfarë të them asgjë të keqe për Shqipërinë! Nëse jeni në kërkim të pushimeve të lira, me ushqime të shijshme e peizazhe mahnitëse, atëherë prishini të gjitha planet që kishit për të shkuar me pushime në Marabella, dhe ejani në Shqipëri. Më besoni nuk do të zhgënjeheni!”

Për të lexuar artikullin e plotë në origjinal klikoni këtu.