Book Your Stay
Book Your Flight
Punimet artizanale janë pjesë e pandashme dhe karakteristikë e vendit tonë. Ruajtja e traditës, pavarësisht ritmit të shpejtë të jetës, ka ditur t’i mbizotërojë kohës. Dëshmi e gjallë janë artizanët e palodhur dhe duarartë që me fanatizëm e sjellin këtë traditë në ditët tona. Punimet e tyre me dorë, përveçse estetikisht të bukura dhe të kuruara, janë edhe të lidhura më kulturën, historinë dhe mënyrën e jetës të të parëve tanë.
Të tilla janë punimet e Lindita Herrit, artizanes krutane, e cila prej mëse 40 vitesh qëndis kostume tradicionale, jelekë, mbulesa dhe jastëk dekorativ. Lindita na tregon se gjithçka nisi kur mbaroi klasën e tetë, ajo vendosi të zgjidhte kursin e qëndistarisë në qytetin e Krujës. Me pasionin dhe vullnetin e dy zonjave që ua mësonin sekretin dhe teknikat e qëndisjes, Lindita arriti të përvetësonte këtë zanat, të bukur e tërheqës, por siç shprehet ajo, ndonjëherë të lodhshëm dhe jo shumë të vlerësuar.
Me kalimin e viteve, Lindita së bashku me shumë artizanë të tjerë të Krujës me vështirësi arritën të mbanin gjallë dhe të vinin firmën e tyre në prodhimet artizanale 100% shqiptare.
“Ndër vite ka qenë e vështirë mbajtja gjatë e kësaj tradite, por bashkë me bashkëshortin, i cili është rrobaqepës, arritëm t’ja dilnim mbanë” shprehet Lindita. Dhe ja ka dalë shumë mirë, pasi një pjesë e punimeve që Lindita realizon shkojnë jashtë kufijve të Shqipërisë, tek turistë të cilët kërkojnë të marrin me vetë një copëz nga Shqipëria.
Sa hyn në dyqanin e saj ndihet aroma e traditës, me kostumet të cilat në qendër kanë figurën e Heroit tonë, Gjergj Kastriot Skëndebeu, e tek modelet e vjetra të qëndisjes që janë ruajtur me fanatizëm prej saj dhe risillen të përpunuara.
Tek Kostume Popullore Herri, përveç kostumeve me motive të Krujës do të gjeni edhe jelekë e kostume të zonave të ndryshme të Shqipërisë. Të realizuara me fije peri ngjyrë floriri e quajtur gjymyshk, i bën të duken këto kostume, jastëk dhe mbulesa sa më afër origjinales.
Nëse jeni në kërkim të një vendi ku ju mahnitë me detin, liqenin, lumin, natyrën e egër, turizmin bregdetar, historik...
Read More
Dibra e pasur me traditë, kulturë dhe histori është e njohur edhe për peizazhet natyrore. Diversiteti i natyrës dibrane i...
Read More
Stina e dimrit dhe magjia e saj shijohen më mirë në Korçë, jo vetëm në sokaket e qytetit, por në...
Read More