Liqeni i Zi: Shërim, freski dhe aventurë pranë Gramshit - Into Albania

Liqeni i Zi: Shërim, freski dhe aventurë pranë Gramshit

Turizëm Malor

Liqeni i Zi: Shërim, freski dhe aventurë pranë Gramshit

Turizëm Malor

Me këtë liqen të fshehur akullnajor, qyteti pak i njohur i Gramshit rezervon një nga vendet më tërheqëse për natyrën dhe kurimin e shëndetit.

Në lartësinë 1750 metra mbi nivelin e detit dhe rrethuar nga peizazhe malore, Liqeni i Zi është një nga vendet natyrore më të vizituara përreth qytetit të Gramshit. Përmes bukurisë natyrore, joshja e këtij liqeni i dedikohet dhe faktit që ujërat kanë veti kurative.

Liqen, natyrë dhe pamje

Mushkëritë tuaja do mbushen me ajër të pastër sapo të arrini në destinacion. Nuancat e gjelbërta dhe blusë të natyrës përreth duket sikur të freskojnë ndjesitë!  Ngjyra blu e errët që krijohet nga ujërat akullnajore të Liqenit të Zi është veçanërisht mbresëlënëse! Vetitë kurative të liqenit vijnë si rrjedhojë e mineraleve të shumta përbërës të liqenit. Përgjatë viteve, shumë vizitorë kanë ardhur këtu për të shëruar reumatizmin, apo sëmundje të tjera që shkaktojnë dhimbje trupore, duke bërë zhytje të rregullta në liqen. Intervali i rekomanduar për të qëndruar në ujë, është 15 minuta, dy herë në ditë. Muaji më i mirë është ai i gushtit. Uji i temperaturës shkon nga 2.5 në 3 gradë Celsius, ndaj përgatiteni veten për një eksperiencë mjaft të freskët.

Burimi i fotos: wikiloc.com.

Përveç banjës që në këtë liqen që bën mrekulli, ju mund të doni të eksploroni natyrën që rrethon liqenin. Gjatë shëtitjeve, do të futeni në një pemë të quajtur Rubulli i Zi. Shpallur monument kombëtar natyre, kjo pemë e bukur e ka origjinën pikërisht në këtë zonë.

Kamping dhe akomodim

Nëse do të dëshironi të kaloni një apo dy netë në këtë zonë, ka mjaft opsione se ku ta bëni këtë. Kampingu është i aksesueshëm lehtësisht, duke qenë se janë krijuar mjaft ambjente duke patur pikërisht këtë lloj turizmi në mendje. Në këtë mënyrë do e bënit dhe eksperiencën tuaj më unike dhe të paharrueshme! Sidoqoftë, kabina të ndërtuara së fundmi ofrojnë gjithashtu një akomodim mjaft intim e komod. Për më tepër informacione kontaktoni travelgramshi@gmail.com.

Si të shkoni

Udhëtimi juaj për në Liqenin e Zi fillon në Gramsh, që ndodhet 40 kilometra apo rreth dy orë me makinë larg nga liqeni. Rrugëtimi kërkon një makinë fuoristradë, që të jetë e përshtatshme për terren të thyer. Nëse nuk keni mundësi të lëvizni me një mjet të tillë, mos u shqetësoni, pasi nga qyteti nisen plot autobuzë për në destinacion.

Autobus

Autobusi që ju merr nga Gramshi e ju shpie në Lenie, niset në orën 13:00 nga spitali I qytetit. Bileta kushton 300 ALL. Pasi të keni arritur në Lenie, ecja drejt Liqenit të Zi zgjat përreth 2 orë. Ritkhimi me autobus nga Lenie në Gramsh bëhet në orën 18:30.

4X4 Taxi

Mund të gjeni gjithashtu taksi 4X4 pranë stacionit të autobuzit. Një udhëtim vajtje-ardhje me to kushton rreth 7000 ALL. Këto fuoristrada mund të mbajnë 4-5 persona dhe kostoja mund të ndahet.

Nga: Kristina Hasa

Çfarë ofron Elbasan

Të ngjashme

Të rejat

Zhvilluar nga Frakton & Dizenjuar nga project.graphics