Book Your Stay
Book Your Flight
Gjatë kohës së pandemisë globale, ku Koronavirus i izoloi të gjithë në shtëpi, IntoAlbania kontaktoi disa nga blogerët e turizmit, eksploruesit më kureshtarë, të cilët ndanë me ne disa nga destinacionet e tyre më të paharrueshme.
IntoAlbania ka përzgjedhur disa prej tyre për të na treguar për eksperiencat unike në Shqipëri.
Fotografja e udhëtimeve shqiptaro-amerikane ose ndryshe “Alberican,” ka zgjedhur këtë mal jo shumë të njohur, si një nga destinacionin e saj më të paharrueshëm. ”Më forcoi imunitetin dhe më riktheu në shëndet të plotë, ashtu siç duhet ta ketë çdo njeri” shprehet blogerja për këtë destinacion të paharrueshëm, në malin e Kostenjës. Për të gjithë ju që doni të eksploroni këtë majë, ajo ndodhet Elbasanit, vetëm 40 km larg Tiranës.
Gazetarja Ida Nurçe, ka një lidhje veçanërisht nostalgjike me Shkopet, pasi është vendlindja e saj. Dhe ku ka më mirë kur vendlindja jote ka një peizazh kaq spektakolar. E pozicionuar rreth 60 km larg Tiranës, zona ka një bukuri natyrore, me male e lumin Mat që rrjedh paqësisht mbi të. Nuk ju mbetet gjë tjetër vetëm të ndalni dhe të shijoni këtë parajsë të natyrës
Shumë blogerë të udhëtimeve, çuditërisht kanë zgjedhur destinacione jo shumë të frekuentuara dhe lehtësisht të arritshme. Destinacione këto që mund të realizohen brenda ditës dhe në rastin më të mirë vende të cilat i ke shumë pranë shtëpisë. Një vend i afërt që na e sjellë blogeria jonë, është Prushi në Vaqarr. një udheëtim plot emocion në fshatin periferik të Tiranës. Vetëm 20 minuta larg kryeqytetit, në të mund të gjeni kodrat liqenin, lëndinat, gjithçka që mund të ofrojë një oaz natyror.
E famshme për vëzhgimin e zogjve, si edhe e njohur për habitatin pelikanit kaçurrel, kjo lagunë është një destinacion i lakmuar jo vetëm për pushuesit shqiptarë, por edhe për turistët e huaj. Dhe “në qoftë se nuk e dini, ky vend ka perëndimin e diellit më të bukur në të gjithë vendin,” kështu shkruan blogeria jonë, për këtë lagunë. Fotoja flet vetë!
Mali Çika është padyshim parajsa e alpinistëve, i konsideruar si një destinacion kryesor midis lexuesve të IntoAlbania-s dhe ekspertëve të udhëtimit. Mali i Çikës ofron ndoshta pamjen më mahnitëse të gjithë vendit: një panoramë e mbreslënëse e Rivierës Shqiptare.
”Të ngjitesh majën e Moravës, është njësoj si të prekësh majat më të larta të Tokës për të takuar Zotin,” kështu shprehet blogeria për këtë destinacion unik. Përsosmëria e ngjyrave të gjalla dhe majat sfiduese e bejnë këtë mal ndër më të vizituarit në çdo stinë.
Nëse jeni në kërkim të atyre eksperiencave që duhen provuar njëherë në jetë, High Scardus Trail është ideali. Për të...
Read More
Gjatë komunizmit, produktet dhe markat komerciale botërore ishin aq të rralla në Shqipëri, sa shishet Coca – Cola apo ambalazhet...
Read More