Book Your Stay
Book Your Flight
Prej vitesh tashmë Shqipëria nga të huajt shikohet si një destinacion i denjë për t’u eksploruar pasi ofron gjithçka, që nga natyra, ajëri, tradita dhe kultura. Së fundmi Shqipëria është bërë pjesë e faqes së njohur të udhëtimeve e cila jep informacione nga të gjitha destinacionet e botës, nomadlo.com.
Faqja e njohur turistike e përshkruan Shqipërinë si një vend të vogël të vendosur në Gadishullin Ballkanik në Jug dhe Juglindje të Evropës. Ai ka shumë kështjella dhe zona arkeologjike. Edhe pse shumë turistë nuk dinë shumë për këtë vend, ai është i mrekullueshëm për t’u eksploruar sepse ofron natyrën e egër dhe ajrin mesdhetar. Vendi është më i lirë dhe më pak i mbushur me njerëz në pushime krahasuar me vendet e tjera. Ndër të tjera faqja rendit dhe një listë me destinacione që mund të vizitoni, ku në krye të listës është Berati i cili pasohet nga Riviera Shqiptare, Durrësi dhe Kruja.
Në përshkrimin e saj për Beratin portali thekson se ky qytet i vendosur në mes të Shqipërisë është i njohur ndryshe si “qyteti i një mbi një dritareve” për shtëpitë e tij të bardha otomane. Ai quhet ndryshe edhe qyteti i muzeve dhe kështu do të ishte një rast i shkëlqyer për ata që e duan historinë dhe kulturën për ta vizituar.
Me vijën bregdetare më të lakmuar, Riviera Shqiptare, shtrihet përgjatë detit Jon. Është relativisht më pak e mbushur me njerëz dhe plazhet ju mundësojnë gjithçka. Hotelet dhe ndërtimet e tjera ju ofrojnë të kaloni pushime të shkëlqyera, ndërsa fshatrat përreth ia vlen të vizitohen.
Faqja turistike e përshkruan Durrësin si një qytet port, ndër më i rëndësishmi në Shqipëri. Është i pasur si në aspektin ekonomik ashtu edhe në atë kulturor. Gjatë gjithë vitit hapen ekspozita. Sidoqoftë, Amfiteatri luan një rol kryesor dhe njihet si një tërheqje e rëndësishme e qytetit. Përveç kulturës dhe historisë, qyteti ka edhe plazhe për turistët.
Ndërsa për qytetin historik të Krujës theksohet se është i rrethuar nga shumë lokacione të rëndësishme, si kalaja e vendosur në qytetin e konsideruar si i shenjtë nga popullsia vendase. Ka muzeun ”Skënderbeu”, që është një kujtesë e luftërave në zonë. Për më tepër, zonat pranë qytetit janë me rëndësi kulturore dhe të mira për t’u vizituar
Nëse jeni në kërkim të një vendi ku ju mahnitë me detin, liqenin, lumin, natyrën e egër, turizmin bregdetar, historik...
Read More
Dibra e pasur me traditë, kulturë dhe histori është e njohur edhe për peizazhet natyrore. Diversiteti i natyrës dibrane i...
Read More
Stina e dimrit dhe magjia e saj shijohen më mirë në Korçë, jo vetëm në sokaket e qytetit, por në...
Read More