Book Your Stay
Book Your Flight
Është e qartë për të gjithë se karantina është mjeti i domosdoshëm për mospërhapjen e virusit më të ri Covid-19. Por, pyetja që shtrohet më së shumti është, si po ndikon në jetët tona kjo situatë?
IntoAlbania ka realizuar një intervistë në distancë me mjeken psikiatre, Arjana Rrelin, për të na dhënë disa këshilla për shëndetin mendor në këtë kohë pandemie.
Gjendja aktuale na ka vendosur në kushte të veçanta, shpjegon Arjana për IntoAlbania dhe për këtë arsye të gjitha mekanizmat e reagimit tonë do të duhen të përshtaten më këtë situatë të pazakontë që sistemin nervor e gjeti të papërgatitur dhe të alarmuar për sa kohë që kërcënimi fizik është aq pranë sa edhe impakti psikologjik. Secili nga ne është i ndryshëm dhe për këtë arsye vuajtja e këtij problemi bëhet në mënyra të ndryshme. Edhe mekanizmat mbrojtës e reagues për t’u përshtatur sa më mirë dhe për të reaguar sa më shëndetshëm ndaj kësaj situate, janë po aq të ndryshëm sa dhe vetë ne. Që ne të dalim nga ky moment i vështirë, si për trupin tonë ashtu edhe për mendjen tonë, do të na duhet që të shfrytëzojmë në mënyrë maksimale potencialet tona si të inteligjencës ashtu edhe të reagimit psikologjik.
Për IntoAlbanian Arjana Rreli jep pesë këshilla që çdo kush nga ne duhet t’i zbatojnë në këto ditë izolimi.
Një nga elementët që specialistët këshillojnë është, pranimi. Që të pranosh situatën ku ndodhesh do të thotë që ti të shmangësh të paktën një konflikt psikologjik midis mundësive që ke dhe realitetit që duhet të përballesh. Kjo gjë na bën të ulim edhe nivelin e stresit.
E dyta është që ne duhet të kuptojmë që jemi të gjithë në një anë të barrikadës, që do të thotë që përballë nesh është armiku dhe ne jemi të gjithë në luftë kundër këtij armiku. Kjo na bën që ta mendojmë si një gjithëpërfshirje, ku i paracaktuari i fatit të keq nuk është vetëm njeri prej nesh, por jemi të gjithë bashkë.
Nga ana tjetër duhet të krijojmë një atmosferë sa më tolerante brenda familjeve tona. Dihet që në kushte të stresti akut, acarimi është një nga shenjat më frekuente, gjë që mund të çojë në përkeqësimin të raporteve ndërpersonale dhe të konflikteve brenda familjeve. Pra, mirëkuptimi për situatën e secilit nga ne brenda familjes, si edhe ndërveprimi me tolerancë për të gjitha bashkëbisedimet tona është një gjë tjetër që mund të na ndihmojë që kjo situatë të kalojë me sa më pak kosto.
E mira është të shfrytëzojmë të gjitha mundësitë që më parë nuk i kemi pasur. Kohën tonë ta bëjmë efektive dhe në dobi të gjërave që ne na kishin pritur më përpara, por që nuk kishim kohën e duhur për t’i realizuar. Në këtë mënyrë rrisim edhe vetëvlerësimin tonë.
Nga ana tjetër aktiviteti fizik është i domosdoshëm, duhet të improvizohen ushtrime të cilat, mundësojnë shkarkimin e adrenalinës që quhet ndryshe dhe hormoni i stresit. Stresi mund të reduktohet vetëm nëse ne përqendrohemi në realizimin e ushtrimeve fizike, joga apo dhe meditim.
Është koha, kur duhet të kujtojmë se sot truri është organi më i goditur dhe si çdo organ tjetër që ankon, duhet t’i japin ndihmë sa më parë!
Nëse jeni në kërkim të atyre eksperiencave që duhen provuar njëherë në jetë, High Scardus Trail është ideali. Për të...
Read More
Gjatë komunizmit, produktet dhe markat komerciale botërore ishin aq të rralla në Shqipëri, sa shishet Coca – Cola apo ambalazhet...
Read More