Book Your Stay
Book Your Flight
Portali italjan dedikuar ushëtimeve, “Corriere Viaggi”, ka publikuar një listë me 15 parqet natyrore kombëtare më të bukur në Evropë, edhe pse jo aq të njohur nga turistët. Shpërndarja gjeografike e tyre është mjaft e gjerë duke filluar nga Ballkani, Evropa veriore e Mesdheu.
E përbashkëta e tyre, siç citon “Corriere”, është bukuria e “liqeneve ngjyrë kobalti, shëtitjeve panoramike dhe pyjeve me pemë qindravjeçare. Dhe janë destinacione ideale për disa pushime në natyrë, pa rrezikuar të përpihesh nga turmat me turistë“.
Siç thamë, në këtë listë me “15 parqe kombëtare jo shumë të njohur, por që vlejnë udhëtimin“, përfshihet edhe “Parku Kombëtar Theth”.
Ndër arsyet përse ai sugjerohet, është përqëndrimi në një hapësirë relativisht të vogël i një biodiversiteti të larmishëm që siç shkruan gazetarja “megjithë shtrirjen e tij të vogël – 2,630 hektarë – Parku është një thesar i biodiversitetit, një vend unik ku pyjet e lisit dhe pyjet e ahut alternohen me kanione dhe burime natyrore. Dhe fauna nuk është më pak e rëndësishme, duke përfshirë ujqërit dhe arinjtë e murrmë, rrëqebullin dhe shqiponjat e arta“.
Në këtë listë, ndër të tjerë, përmendet edhe “Parku Kombëtar i Malit të Sharrit” si dhe “Parku Kombëtar i Liqenit të Shkodrës”, në pjesën malazeze.
Artikull i shkruar nga Francesca Masotti. Për të lexuar artikullin e plotë klikoni këtu.
Nëse jeni në kërkim të atyre eksperiencave që duhen provuar njëherë në jetë, High Scardus Trail është ideali. Për të...
Read More
Gjatë komunizmit, produktet dhe markat komerciale botërore ishin aq të rralla në Shqipëri, sa shishet Coca – Cola apo ambalazhet...
Read More