Book Your Stay
Book Your Flight
Laguna e Karavastas është një nga lagunat më të mëdha në Shqipëri dhe sidomos në Adriatik. Kjo lagunë prej vitesh është shndërruar në shtëpinë e shpendëve të rralla dhe është një nga vendet më me interes për shkak të ruajtjes të specieve të rralla që folenizohen aty.
Laguna e Karavastas së bashku me tre laguna të tjera janë pjesë e Parkut Kombëtar Divjakë – Karavasta, në të gjenden mbi qindra lloje të ndryshme zogjsh që popullojnë gjithë zonën, duke krijuar një biodiversitet të rrallë në Shqipëri.
Ndër më i njohuri është Pelikani kaçurrel, i cili konsiderohet si më i spikaturi nga shpendët e egër.
Mesa duket viti 2020, qenka viti i Pelikanët kaçurrel, pasi në një postim në faqen e facebook-ut, ekspertët e Shoqatës Ornitologjik Shqiptare, kanë theksuar se në Shqipëri këto ditë ka pasur një numër të lartë të foleve të pelikanit në Divjakë.
“Sot kolonia e pelikanit kaçurrel, ka arritur në rreth 85 fole me vezë dhe zogj, shifra më e lartë e regjistruar në 35 vitet e fundit ose që prej vitit 1984, kur u regjistruan 81 çifte folezuese në Divjakë,” kanë theksuar në komunikatën e tyre ekspertët që merren me studimin e zogjve.
Pavarësisht situatës, ku i gjithë vendi po kalon si pasojë e virusit më të ri COVID-19, duket që përkushtimi i specialistëvë nuk rresht as në këto ditë. Dhe të gjitha përpjekjet e tyre në këtë sezon të vështirë, po fokusohen pikërisht tek ruajtja e vazhdueshme e kolonisë në mënyrë që riprodhimi Pelikanit kaçurrel të jetë sa më i lartë dhe të kenë sa më shumë zogj të rinj. Sepse suksesi i lartë i riprodhimit, sipas ekspertëve, është i vetmi faktor që garanton shtimin e vazhdueshëm të kolonisë në të ardhmen.
Nëse jeni në kërkim të një vendi ku ju mahnitë me detin, liqenin, lumin, natyrën e egër, turizmin bregdetar, historik...
Read More
Dibra e pasur me traditë, kulturë dhe histori është e njohur edhe për peizazhet natyrore. Diversiteti i natyrës dibrane i...
Read More
Stina e dimrit dhe magjia e saj shijohen më mirë në Korçë, jo vetëm në sokaket e qytetit, por në...
Read More