13 fotografi të veçanta të natyrës shqiptare - Nën lenten kinematografike të Klajd Papadhimitrit

Shqipëria mbetet një vend me bukuri të pafundme e cila ofron plot material për fotografë të talentuar dhe artisitik si Klajd Papadhimitri.

Pamjet e fotografuara mjeshtërisht nga fotografi dhe regjisori i ri Klajd Papadhimitri janë pasqyrime të peizazheve shqiptare. Megjithatë, ato përcjellin diçka aq ekzotike sa hera herës duken se janë pamje nga vendet e largëta të Afrikës apo Amerikës Latine. Fotot janë aq shqiptare sa edhe universale sepse, nën lenten romantike të ketij fotografi, fokusi i vërtetë mbeten elementet: toka, ajri, zjarri dhe uji.

Elementi kinematografik nuk mungon. Në dukje të thjeshta, fotografitë jo vetëm shfaqin peizazhin gjithnjë të bukur shqiptar por e përdorin këtë të fundit si sfondin e perëndimeve të ndezura dhe pasqyrimit të rrezeve në det, si vendbanimin njëkohësisht të njerëzve dhe pemëve të lashta, si edhe vendndodhjen e një flladi pranveror.

Det, tokë, qiell, florë e faunë si edhe prezenca e njerëzve të cilët shijojnë bukuritë natyrore që i rrethojnë. Këto janë elementet universale të cilat Klajdi i nxjerr në pah pikërisht në Shqipëri. Në këto imazhe mbizotëron një bukuri qetësuese e cila mund te ekzistojë vetëm në vende me bukuri të jashtëzakonshme natyrore si Shqipëria.