Book Your Stay
Book Your Flight
Pas Karnavaleve që gjallëruan Korçën mesa duket jeta artistike po çelet dalëngadalë në qytetin e serenatave. Pas disa muaj izolim si pasojë e Covid 19 edhe teatri i Korçës gradualisht po i kthehet normalititet. Më date 17 korrik në oborrin e Muzeut Kombëtar të Arsimit në Korçë do të shfaqet komedia “Pas vdekjes”.
Një kryevepër e shkrimtarit dhe atdhetarit Andon Zako Çajupi, do të vihet në skenë nga regjisori Hervin Çuli dhe do të sillet në interpretimin e aktorëve të teatrit të Korçës, si Albano Prodani, Paola Kodra, Silvio Goskova e Kristian Koroveshi, si dhe Mateus Frroku. Shfaqja është shkruar nga rilindasi Andon Zako Çajupi, si personazh kryesor është doktor Adhamudhi, i cili e mban veten për njeri të zgjuar.
Komedia “Pas vdekjes” është e njohur dhe në pikëpamje të mesazhit dhe përmbajtjes së saj e cila kërkon ruajtjen e gjuhës shqipe.
Kjo shfaqje ka një temë politike-shoqërore luftën e ashpër në lëvizjen tonë politike të fillimit të shekullit XX kundër oportunistëve, konformistëve, demagogëve, që i shitnin interesat kombëtare për përfitime personale.
Premiera e komedisë “Pas vdekjes” vjen me regji nga Hervin Çuli, i cili dhe më parë ka bashkëpunuar me teatrin e Korçës.
Për shkak të pandemisë, komedia është zhvendosur jashtë mureve të teatrit. Ajo do të realizohet në oborrin e Muzeut Kombëtar të Arsimit. Artdashësit korçare, dhe jo vetëm mund të shohin premierën e Komedisë “Pas vdekjes” më 17 korrik, ora 20:30.
Tesi Kerenxhi “Qyteti i një mbi një dritareve” falë vlerave historike, kulturore dhe turistike, është pjesë e trashëgimisë kulturore botërore...
Read More
Bukuritë shqiptare janë kthyer në një destinacion turistik të dashur për të huajt, dhe këtë gjithnjë e më shumë po...
Read More
Përmeti nuk është vetëm vendi i destinacioneve magjepsëse, por edhe qytet i cili të mahnit me histori. Ditët e fundit...
Read More