Book Your Stay
Book Your Flight
Një shesh rrethor shtruar me kalldrëm gëlon çdo ditë të vitit nga njerëzia. Pazari i vjetër i qytetit bashkon banorët lokalë dhe turistët e shumtë që enden për të shpenzuar orët e kënaqësisë. Është një objekt me vlera historike dhe monumentale sepse është i pari i ndërtuar në Korçë, në formën e një tregu të mirëfilltë rreth viteve të fundit të shekullit të 19-të. I gjithë kompleksi ruan njëtrajtshmërisht ndërtesa dhe urbanistikë në gur, duke i dhënë mundësi të jetojë në kohë dhe estetikisht të jetë i këndshëm për tu vizituar. Pazari i vjetër bashkon tregun e hapur, dyqanet si punishte ose njësi të vogla tregtare dhe hane të këndshme që ruajnë traditën e shërbimeve të hershme korçare. Pazari është vendi më i mirë për të gjetur gjithëfarëlloj suveniresh, nga ato të traditës deri tek prodhimet agrobujqësore të zonës. Dyqanet janë dykatëshe dhe rikonstruksioni i tyre u bë në harmoni me gjithë arkitekturën e sheshit. Hanet e dikurshme sot janë kthyer në lokale interesante të pasuruara me modelime të kohës, që u japin turistëve mundësinë të shijojnë jo vetëm kuzhinat me gatime ndërkombëtare, por edhe muzikën live netëve të vitit.
Është një nga zonat më të vjetra të historisë shqiptare. Ndërtimi i pazarit më të bukur dhe tërheqëse të Krujës daton rreth 400 vjet më parë. Aty nisi tregtia e lirë e tregtarëve më nam të Krujës që ofronin nga punishtet e tyre lloj mallrash. Pazari shtrihet në rrugën kryesore që të udhëheq drejt Kalasë së Krujës. E gjithë hapësira është atraksion i veçantë që përmbush më së miri statusin e një zonë jo vetëm tregtare por edhe muzeale. Të duhet një qilim i punuar sipas metodave tradicionale? E gjen në Krujë. Të duhen prodhime bakri të punuara me mjeshtëri nga zejtarët e Krujës? I gjen këtu, në këtë pazar. Pazari është rritur si perimetër me kalimin e shekujve, duke diktuar për shkak të rëndësisë përhapjen e shtëpive dhe strukturave qytetëse rreth tij. Për ju që do të shkoni për herë të parë në Krujë, pasi të lexoni këto rrjeshta, jeni në vendin e duhur për të blerë një suvenir antik, një bizhuteri argjendi, ose punime dore që mbeten për të gjithë jetën.
Është një 8 lagjet më të vjetra të Gjirokastrës, që shtrihet si një rreze poshtë mureve të Kalasë. Pazari i vjetër është në rikonstruksion të vazhdueshëm për shkak të vjetërsisë dhe statusit monumental që ka në trashëgiminë kombëtare e botërore të Unesco-s. Pazari në formën që ka sot është ndërtuar reth 500 vjet më parë. Fillesat i ka brenda mureve të kalasë që identifikonin qytetin e Gjirokastrës. Me rritjen e popullsisë familjet u detyruan të dalin jashtë mureve rrethuese të kështjellës së Gjirokastrës duke hedhur themelet e para të konstruksioneve tregtare. Vjetërsia e pazarit të Gjirokastrës përmendet në dokumentat e udhëtarëve të njohur të pas mesjetës. Vendi i quajtur si Qafa e Pazarit është një nga pikat më identifikuese të qytetit të gurtë, që vizitohet çdo vit e më shumë nga mijëra turistë të huaj. Fasadat e shtëpive përreth ofrojnë estetikisht një pamje interesante të ndërtimeve mesjetare, ndërsa dyqanet e shperndara në rrugën e Pazarit ofrojnë shumëllojshmëri objektesh e shërbimesh. Kalldrëmi karakteristik është një nga elementet më të bukur të pazarit që është pasuruar kohët e fundit nga zbulime të ndërtimeve të vjetra nën rrënojat e shtëpive që po restaurohen.
Nëse jeni në kërkim të atyre eksperiencave që duhen provuar njëherë në jetë, High Scardus Trail është ideali. Për të...
Read More
Gjatë komunizmit, produktet dhe markat komerciale botërore ishin aq të rralla në Shqipëri, sa shishet Coca – Cola apo ambalazhet...
Read More