Qyteti është një gjendje mendore. Për vite me radhë, qytetet e Shqipërisë ishin të dominuara nga grija, sepse e tillë duhet të ishte dhe imagjinata e banorëve të tyre. Pa ngjyra, pa kreativitet, pa liri. Vetëm kështu mund të kishte hapësirë për ngritjen e një kulti totalitar. Si për t’ju kundërvënë asaj të shkuare, prej vitesh qytetet shqiptare kanë nisur të rivishen. Parafabrikatet tani ngjajnë si piktura gjigande të Mondrianit; kutitë elektrike zbukurohen nga street art; muret e godinave të lëna në harresë shërbejnë si tablo për grafitit me sfond politik. Zbuloni ngjyrat e një Shqipërie që ndryshon dita ditës.