Book Your Stay
Book Your Flight
Dalja në libraritë britanike e romanit “Kukulla”, të shkrimtarit Ismail Kadare, nuk ka kaluar pa koment nga prestigjozja “The Guardian”, e cila e ka shoqëruar lajmin me një reçencë të dedikuar:
“Në pamje të parë, romani autobiografik i Ismail Kadaresë, mund të lexohet si një kujtim elegant, herë i ëmbël e herë i hidhur i moshës së adoleshencës, prekur me nostalgji për një vendlindje gjithnjë e më të largët tashmë”.
Me këto fjalë nis artikullin “The Guardian”, që pas një përshkrimi të shkurtër të subjektit të romanit, zgjedh të shkëpusë një ngjarje të cilën e përshkruan kështu:
Një nga historitë më gazmore, është ajo e vitit 1953, ditën kur prezervativët erdhën në farmaci për herë të parë: “Kishte udhëzime kontradiktore që i lejonin ose i ndalonin ato. Dyshohej se mund të ishin një mënyrë për të identifikuar ndonjë dobësim të luftës së klasave pas vdekjes së Stalinit. Por më vonë, u mësua se kjo masë kishte ardhur me këmbënguljen e sovjetikëve dhe lidhej me të drejtat e grave (Rosa Luxemburg, etj), dhe pas disa hezitimeve nga komiteti i partisë në duhej të këshilloheshin komunistët të shmangnin farmacitë dhe t’ua linin ato copa llastiku borgjezisë gjithnjë e më të degraduar, gjithçka u qetësua”.
“Kukulla – vazhdon artikulli – është i pasur me prekje të tilla, krahas temave të tjera të njohura të Kadaresë, rrënjët në folklor të jetës moderne dhe absurditetin e jetës politike shqiptare.
Sidoqoftë, vëzhgimi prekës, ironia e hidhur dhe frika e heshtur që përshkon marrëdhënien qëndrore të narratorit, atë me nënën e tij, një grua fshehtazi e tmerruar që mund të bëhet e pavlerë dhe e padobishme në momentin që djali do të arrijë famën, është ajo që mbizotëron këtë hulumtim tërheqës mbi një dashuri të vështirë”.
Në versionit klasik, romani mund të blihet online në dyqanin virtual të librave “The Guardianbookshop“. Ndërkohë, është i disponueshëm edhe në versionin elektronik, ebook, në faqen e Amazon.com.
Nëse dëshironi të lexoni artikullin e plotë, në gjuhën origjinale, klikoni këtu.
Tesi Kerenxhi “Qyteti i një mbi një dritareve” falë vlerave historike, kulturore dhe turistike, është pjesë e trashëgimisë kulturore botërore...
Read More
Bukuritë shqiptare janë kthyer në një destinacion turistik të dashur për të huajt, dhe këtë gjithnjë e më shumë po...
Read More
Përmeti nuk është vetëm vendi i destinacioneve magjepsëse, por edhe qytet i cili të mahnit me histori. Ditët e fundit...
Read More