Book Your Stay
Book Your Flight
Ndonëse Riviera Shqiptare gëzon popullaritet të madh ndërkombëtar prej vitesh tashmë, komuniteti global ka rënë dakord se ajo mbetet diçka e rrallë që duhet provuar një herë në jetë.
Bregdeti shqiptar renditet në listën e trendeve dhe destinacioneve të 2021 (“The Top Travel Trends and Destinations for 2021”) sipas Seeker. Platforma e njohur apo, më saktë, komuniteti global i udhëtarëve të botës, e rendit Rivierën Shqiptare në “bucket list”-ën e tyre. “Bucket list,” për ata që nuk e kanë dëgjuar shprehjen, është lista e gjërave që një njeri duhet të bëjë para se të vdesë. “Bucket list” ka qënë një koncept popullor dekadën e fundit por, duke parë se sa shpejt gjërat mund të ndryshojnë në 2020-ën, ai ka marrë një rëndësi të re.
Vendet që duhen parë pikërisht këtë vit, sipas komunitetit të gjërë, janë njëri më i papritur se tjetri e, mes tyre, edhe Shqipëria. Lista e papritur përfshin zgjedhje tej mase të veçanta si Medelin në Kolumbi, i njohur si qyeti i Pablo Escobar-it apo Çernobili i Ukrainës, qytet i cili sa vjen e tërheq më shumë vizitorë kureshtarë mbi aksidentin bërthamor të 1986-ës. Riviera shqiptare ndodhet pikërisht mes këtyre dhe destinacioneve të tjera tërësisht ndryshe dhe ezkotike si Tazmania në Australi apo plazhet e mahnitshme të Gambia-s në Afrikë. Në renditjen e 10 destiancioneve që çdonjeri prej nesh duhet të përjetojë të paktën një herë në jetë, çdo vend eshtë jashtëzakonisht i veçantë!
Artikulli interesant i Seeker flet edhe për trendet e ndryshme që mund të presim vitin që vjen. Mënyra e të udhëtuarit sa vjen e ndryshon dhe çdo vit vjen me të reja. Ndër të tjera, përmënden udhëtimet “eko” të cilat deri më sot janë konsideruar si “alternative” por, që këtej e tutje, do të bëhen mënyra e zakonshme e të udhëtuarit. Të gjithë do të jenë më të kujdesshëm për ambientin në pushimet e tyre. Diçka tjetër që udhëtarët do të kërkojnë vitin e ardhshëm janë ekperiencat autentike dhe të paharrueshme, por artikulli rendit plot trende të tjerë të cilët mund ti lexoni këtu.
Tesi Kerenxhi “Qyteti i një mbi një dritareve” falë vlerave historike, kulturore dhe turistike, është pjesë e trashëgimisë kulturore botërore...
Read More
Bukuritë shqiptare janë kthyer në një destinacion turistik të dashur për të huajt, dhe këtë gjithnjë e më shumë po...
Read More
Përmeti nuk është vetëm vendi i destinacioneve magjepsëse, por edhe qytet i cili të mahnit me histori. Ditët e fundit...
Read More