Në muzetë dhe galeritë shqiptare, do të gjeni një trashëgimi të pasur historike e artistike që ka mbërritur prej mijëra vitesh deri më sot përmes objekteve me vlera të rralla. Shumë prej tyre kanë ardhur përmes gërmimeve të realizuara në rrënojat a qyteteve të vjetra që kanë ekzistuar më parë në Shqipëri. Çdo objekt përmban një histori të vetën interesante që na mundëson të kuptojmë rrugëtimin e gjatë që i është dashur të bëjnë këtyre artifakteve, për të ardhur më pas në muzetë e ndryshme të vendit.

Disa prej muzeve më të rëndësishëm ku do mund të shikoni këto objekte janë Muzeu Historik Kombëtar në Tiranë, ku spikat një nga simbolet e arkeologjisë shqiptare, njohur dhe si “Dea” e Butrintit, apo mozaiku më i vjetër i zbuluar në Shqipëri i njohur si “Bukuroshja e Durrësit”. Si një pikturë e qëndisur Epitafi i Gllavenicës i vitit 1373 është gjithashtu një nga objektet më të vizituara të Muzeut Historik.

Në Muzeun Arkeologjik në Durrës, mund të admironi statujat e njohura të fillim shekullit të Geas apo Perandorit Romak, qeramikat e mbërritura nga shekulli I VII para erës sonë, Sanktuarin e Artemisës, e plot thesare të tjera arkeologjike.

Ikonat e mrekullueshme të Onufrit do mund t’i shihni sa në Muzeun e Onufrit, aq edhe në Muzeun Kombëtar të Artit Mesjetar, në Korçë. “Motra Tone” e piktorit Kol Idromeno konsiderohet “Mona Liza” shqiptare, dhe ndodhet në Galerinë Kombëtare të Arteve. Pikturat dhe veprat e soc-realizmit zëjnë gjithashtu një pjesë të mirë të hapësirave të Galerisë.

Këto e plot artifakte apo objekte të tjera të çmuara të historisë dhe artistëve më në zë shqiptarë do i gjeni nëpër muzetë e shumtë të qyteteve shqiptare.

Nga: IntoAlbania