Book Your Stay
Book Your Flight
Muzeu Kombëtar i Fotografisë “Marubi” përfundon punën dy-vjeçare të përgatitjes të aplikimit për tu përfshirë në listën e vendeve të trashëgimisë kulturore të mbrojtur nga UNESCO.
Muzeu Kombëtar i Fotografisë Marubi, në prag të dorëzimit të dosjes të përgatitur në UNESCO pret një përgjigje pozitive brenda afatit kohor të një viti.
“Shpresojmë që ky qëllim i yni do të hapë porta të reja. Sigurisht është veçse fillimi i një sfide, pasi sapo kemi përfunduar përgatitjen e dosjes të aplikimit. Besojmë plotësisht se Shqipëria ka ende shumë për të ofruar. Për ne, ky është një ushtrim i parë drejt njohjes së vetes,” – Elva Margariti, Ministrja e Kulturës
Udhëheqësit e këtij projekti kanë deklaruar se përgatitja e kësaj dosjeje është kryer nëpërmjet konsultimeve të vazhdueshme me ekspertë lokalë e ndërkombëtarë, në mënyrë që çdo detaj i përfshirë të çojë drejt qëllimit përfundimtar, njohjes të muzeut si një vend me vlerë të trashëgmisë kulturore.
“Kjo është një punë që do t‘i qëndrojë gjithmonë kohës, jo vetëm për muzeun por për Shkodrën, në përgjithësi.” – Luçjan Bedeni, Drejtor i Muzeut
Muzeu Kombëtar i Fotografisë “Marubi” klasifikohet si kandidat në kategorinë e Regjistrit të Kujtesës së Botës. Ky program mbron dokumentimin e trashëgimisë kulturore të njerëzimit prej harresës kolektive, braktisjes, dëmeve të shkaktuara prej kohës, kushteve klimaterike, si edhe ato të bëra qëllimisht. Për momentin, i vetmi artifakt shqiptar që bën pjesë në këtë program është Kodiku i Purpurt i Beratit, i pranuar në vitin 2005.
“Studio Marubi” u themelua nga Pietro Marubi në 1856. Sot, muzeu Marubi përmban rreth 500,000 negativë të formateve të ndryshme e të realizuara nëpërmjet teknikave të shumëllojshme, të cilët tregojnë personazhe, ndodhi e fakte interesante të Shqipërisë. Muzeu Kombëtar i Fotografisë “Marubi” është muzeu i parë i fotografisë në Shqipëri dhe një nga më të pasurit në Ballkan. Para pak kohësh, ai u klasifikua si një ndër 50 muzetë Evropianë më novatorë.
Burimi: Albanian Daily News
Tesi Kerenxhi “Qyteti i një mbi një dritareve” falë vlerave historike, kulturore dhe turistike, është pjesë e trashëgimisë kulturore botërore...
Read More
Bukuritë shqiptare janë kthyer në një destinacion turistik të dashur për të huajt, dhe këtë gjithnjë e më shumë po...
Read More
Përmeti nuk është vetëm vendi i destinacioneve magjepsëse, por edhe qytet i cili të mahnit me histori. Ditët e fundit...
Read More