Book Your Stay
Book Your Flight
Është ndoshta vendi më lehtësisht i aksesueshëm, falë pozicionimit mu në zemër të ish-Bllokut, dhe që ofron pamje fantastike të Tiranës. Falë dhe barit rrotullues që ndodhet në katin e fundit, ju mund të shijoni perëndimin e kryeqytetit, tek sa platforma e lokalit lëviz në 360 gradë.
Përmes teleferikut ngjitja për në Malin e Dajtit nuk është fare e vështirë, dhe vetëm 15 minuta ju duhen për të parë një nga pamjet më sugjestive të Tiranës nga lart. Jo vetëm për të shijuar perëndimin, por edhe për të parë dritat vezëlluese të kryeqytetit që ndizen me mbrëmjen, ja vlen t’i dedikoni një pasdite pamjeve poetike që duken prej Dajtit. Aty do të gjeni dhe një hotel, një bar rrotullues panoramik e një restorant, nëse planifikoni të kaloni të gjithë mbrëmjen.
Orari i perëndimit e gjen thuajse përherë Parkun e Liqenit të populluar nga njerëz të të gjitha grupmoshave, të cilët dalin për vrap, për sporte të ndryshme, apo dhe thjesht për të shijuar ngjyrat e reflektimit të perëndimit të diellit në liqen. Një pasdite aty është zgjidhja më e mirë për ata që duan të jenë njëherësh pranë natyrës, pa u larguar shumë nga qytetit, pasi parku ndodhet vetëm 5 minuta larg Sheshit Nënë Tereza.
Sheshi i rikonstruktuar kulmon në formë piramide, dhe cilido mund të jetë në qendër të tij. Simbolikisht kjo tregon se sheshi tashmë i përket njerëzve, e jo më diktatorëve. Nëse gjendeni aty në orarin e perëndimit, në qendër të sheshit do të shijoni përveç simbolikës dhe hapësirave të mëdha publike, dhe ngjyrat që merr qyteti gjatë këtij orari.
Konsiderohet si vendi më luksoz i Tiranës, ndaj dhe vizita aty kërkon një portofol të mbushur. Por bar-restoranti elegant në godinën e njohur ndryshe si COIN-i, ofron jo vetëm një nga menutë më cilësore, por edhe disa nga këndvështrimet më të bukura që mund të keni mbi qytetin e Tiranës. Një koktejl në perëndim si për të filluar një mbrëmje feste është vërtet i rekomandueshëm.
Tesi Kerenxhi “Qyteti i një mbi një dritareve” falë vlerave historike, kulturore dhe turistike, është pjesë e trashëgimisë kulturore botërore...
Read More
Bukuritë shqiptare janë kthyer në një destinacion turistik të dashur për të huajt, dhe këtë gjithnjë e më shumë po...
Read More
Përmeti nuk është vetëm vendi i destinacioneve magjepsëse, por edhe qytet i cili të mahnit me histori. Ditët e fundit...
Read More