Book Your Stay
Book Your Flight
Ky qytet poliedrik ka patur tradicionalisht një jetë artistike mjaft të pasur, dhe ka luajtuar një rol parësor në kulturën e vendit. Shkodra është djepi i disa prej poetëve, piktorëve, fotografëve e artistëve më të rëndësishëm shqiptarë. Muzeu Kombëtar i Fotografisë Marubi është një nga muzetë më modernë e njëherësh më të ‘vjetër’, për koleksionin e fotove historike ku spikat dhe fotoja e parë e realizuar në Shqipëri. Shkodra është një qytet mitesh dhe legjendash, ku Kalaja rrëfen legjendën e Rozafës e cila u muros për të garantuar mbijetesën e mureve dhe qytetit. I njohur ndryshe dhe si qyteti i biçikletave, përmes pedalimit mund t’i dhuroni vetes disa shëtitje të mrekullueshme përreth Liqenit më të madh të Ballkanit, tre lumenjve që takohen njëri me tjetrin, apo edhe të përshkoni bregdetin Adriatik.